තරුණ පරපුරෙන් මීළඟ ජනාධිපතිවරයාට: ශ්‍රී ලංකාවේ අනාගතය සඳහා දැක්මක්
ලිබරල් තරුණ ව්‍යාපාරය මෙම පාලන දැක්ම ඉදිරිපත් කරන්නේ, මීළග ජනාධිපතිවරයා වෙත අපේ රටේ අනාගතය සඳහා වන අපගේ අපේක්ෂා ප්‍රකාශ කරමිනි. නිදහස්, සාධාරණ, සමෘද්ධිමත් සහ සමකාමී සමාජයක් සඳහා අත්‍යවශ්‍ය යැයි අපි විශ්වාස කරන ප්‍රමුඛතා සහ ප්‍රතිපත්ති දිශානතීන් අපි පහත විස්තර කරමු. අපගේ ප්‍රකාශනයෙහි මූලික අයිතිවාසිකම්, නීතියේ ආධිපත්‍යය, ආර්ථික ප්‍රතිසංස්කරණ සහ සාධාරණ සංවර්ධනය ආමන්ත්‍රණය කරන අතර, ජාතික සමගිය, පාරිසරික තිරසාරභාවය සහ පුද්ගලික නිදහස අවධාරණය කරයි. සෑම පුරවැසියෙකුටම සමෘද්ධිමත් විය හැකි ශ්‍රී ලංකාවක් ගොඩනැගීම සඳහා අපි විනිවිදභාවය, වගවීම සහ ඵලදායී පාලනයක් ඉල්ලා සිටිමු.
ලිබරල් තරුණ ව්‍යාපාරය යනු ලිබරල් ප්‍රජාතන්ත්‍රවාදී වටිනාකම් තුළින් දේශපාලන සාක්ෂරතාව වැඩිදියුණු කිරීමට සහ සර්වග්‍රාහී සමාජයක් ඇති කිරීමට කැපවූ දේශපාලන පක්ෂග්‍රාහී නොවන, නොබැඳි සංවිධානයකි. අපි තරුණ පුරවැසියන් සවිබල ගැන්වීමට කැපවී ඇති අතර, ශ්‍රී ලංකාවේ අනාගතය හැඩගැස්වීමේදී විවේචනාත්මක චින්තනය සහ පාලනයට තරුණයන්ගේ ක්‍රියාකාරී සහභාගීත්වය දිරිමත් කරමු.
01. ජාතික සමගිය සහ සමාජ සංහිදියාව
- ආගම, ජාතිය, ස්ත්‍රී පුරුෂ භාවය, සමාජ ආර්ථික තත්ත්වය හෝ භූගෝලීය පිහිටීම මත පදනම් වූ බෙදීම් අභිබවා යන එක්සත් සහ ජාතික අනන්‍යතාවයක් ප්‍රවර්ධනය කිරීම.
- විශේෂයෙන් මැතිවරණ සමයන්හිදි සමඟිය දිරිමත් කරන සහ බෙදුම්වාදී ප්‍රකාශ අධෛර්යමත් කරන ප්‍රතිපත්ති ක්‍රියාත්මක කිරීම.
- පොදු ජාතික වටිනාකම්, අභිලාශයන් සහ අන්‍යෝන්‍ය ගෞරවය අවධාරණය කරන අධ්‍යාපනික වැඩසටහන් සංවර්ධනය කිරීම.
02. මූලික අයිතිවාසිකම් සහ මානව ගරුත්වය වැඩිදියුණු කිරීම
- සියලු පුද්ගලයින්ට ගරුත්වයෙන් යුත් ජීවිතයක් සහතික කිරීම සඳහා මූලික අයිතිවාසිකම් සම්බන්ද ව්‍යවස්ථාමය ආරක්ෂණ ශක්තිමත් කිරීම සහ පුළුල් කිරීම.
- ආර්ථික, සමාජීය සහ සංස්කෘතික අයිතිවාසිකම් ආමන්ත්‍රණය කිරීම සඳහා ප්‍රතිපත්ති ක්‍රියාත්මක කිරීම.
- පුද්ගල බද්ධ හේතූන් හෝ පුද්ගලයන් දරන මතයන් හෝ විශ්වාස නොසලකා නීතිය යටතේ සමාන ආරක්ෂාව සෑම තනි පුද්ගලයෙකුටම සහතික කිරීම.
- මානව හිමිකම් ගරු කිරීම සහ ආරක්ෂා කිරීම සඳහා නීතිය ක්‍රියාත්මක කිරීමේ ආයතන සහ භාවිතයන් වැඩිදියුණු කිරීම.
03. නීතියේ ආධිපත්‍යය ශක්තිමත් කිරීම
- ඵලදායී සංවරණ සහ තුලන මගින් එක් ආයතනයක් හෝ පුද්ගලයෙකු වටා බලය කේන්ද්‍රගත වීම අවම කිරීම.
- ආයතනික ආරක්ෂණ හරහා අධිකරණ ස්වාධීනත්වය ශක්තිමත් කිරීම.
- නීති පද්ධතියේ මිල දැරිය හැකි බව සහ ප්‍රවේශ්‍ය බව වැඩිදියුණු කිරීම.
- අධිකරණ ක්‍රියාවලීන් කාර්යක්ෂම කිරීම සහ නඩු ගොඩගැසීම් වළක්වා ගැනීමට අවශ්‍ය යාන්ත්‍රණයක් සකසා ක්‍රියාත්මක කිරීම.
- නීති ආධාර පද්ධතිය ශක්තිමත් කිරීම.
04. ස්වාධීන නඩු පැවරීමේ පද්ධතිය
- නීතිපතිවරයාගෙන් ස්වාධීන වූ පැමිණිලිකරුගේ කාර්යාලයක් පිහිටුවීම.
- වෙනත් පොදු නීති අධිකරණ බල ප්‍රදේශවල සාර්ථක ආකෘති වලින් අදහස් ලබා ගැනීම.
- අධිකරණ පද්ධතිය කෙරෙහි මහජන විශ්වාසය වැඩි කිරීම සඳහා පියවර ගැනීම.
05. දූෂණ විරෝධී සහ විනිවිදභාව පියවර
- ශක්තිමත් දූෂණ විරෝධී නීති සහ ක්‍රියාත්මක කිරීමේ යාන්ත්‍රණ ක්‍රියාවට නැංවීම.
- රජයේ මෙහෙයුම් සහ රාජ්‍ය ප්‍රසම්පාදනයේ විනිවිදභාවය වැඩි දියුණු කිරීම.
- දූෂණ විරෝධී ආයතනවල කාර්යභාරය සහ ස්වාධීනත්වය ශක්තිමත් කිරීම.
06. සර්වග්‍රාහී වර්ධනය සඳහා ආර්ථික ප්‍රතිසංස්කරණ
- විනිවිද, වෙළඳපොල මත පදනම් වූ බලශක්ති මිල නියම කිරීම ක්‍රියාත්මක කිරීම.
- ව්‍යාපෘති, ජාතික මූල්‍ය සැලැස්මට අනුකූල වන බවත්, ශක්‍යතා අධ්‍යයනයන්ට යටත් වන බවත් සහතික කිරීම.
- රජයේ වියදම් තිරසාර මට්ටමෙහි පවත්වා ගැනීම.
- නිදහස් වෙළඳාම සහ සාධාරණ තරඟකාරීත්වය ප්‍රවර්ධනය කිරීම.
- මහ බැංකුවේ ස්වාධීනත්වය පවත්වා ගැනීම සහ මුදල් මුද්‍රණය කිරීම හරහා අය වැය හිඟය මූල්‍යනය කිරීම වැළැක්වීම.
- කාර්යක්ෂමතාව සහ තරඟකාරීත්වය වැඩිදියුණු කිරීම සඳහා රාජ්‍ය ව්‍යවසාය ප්‍රතිසංස්කරණ ක්‍රියාත්මක කිරීම.
- බදු පරිපාලන පද්ධතිය ශක්තිමත් කිරීම.
07. සර්වග්‍රාහී සංවර්ධනය සහ සමාන අවස්ථා
- කාන්තාවන්, ආබාධිත පුද්ගලයින්, LGBTQ+ ප්‍රජාව, ග්‍රාමීය ජනගහනය සහ වතු කම්කරුවන් ඇතුළු සියලු දෙනාට සමාන අවස්ථා සහතික කිරීම සඳහා යුක්තිය සහ සධාරණත්වය මත පදනම්ව ප්‍රතිපත්ති ක්‍රියාත්මක කිරීම.
- ආන්තිකකරණය වූ කණ්ඩායම් මුහුණ දෙන අභියෝග සඳහා විසඳුම් සැපයීමට ඉලක්කගත වැඩසටහන් සංවර්ධනය කිරීම.
- තීරණ ගැනීමේ ක්‍රියාවලියට විවිධ කණ්ඩායම් සහ ආන්තිකකරණය වූ ප්‍රජාවන්ගේ නියෝජනය සහතික කිරීම.
08. තෝරා ගැනීමේ නිදහස සහ පුද්ගලික ස්වයංපාලනය
- පුද්ගල නිදහස ආරක්ෂා කිරීම සහ වැඩිදියුණු කිරීම.
- පුරවැසියන්ට පුළුල් තේරීම් පරාසයක් ලබා දෙන දේශපාලන පද්ධතියක් සහතික කිරීම.
- විවිධ ජීවන රටාවන් සහ විශ්වාසයන්ට ගරු කරන සංස්කෘතියක් ප්‍රවර්ධනය කිරීම.
- පුද්ගලයින්ට ඔවුන්ගේ උපරිම අභිද්ධිය සදහා අවශ්‍ය වන උචිතම පෞද්ගලික තීරණ ගැනීමට හැකි වන පරිසරයක් නිර්මාණය කිරීම.
09. සවිබල ගැන්වීම සහ විනිවිදභාවය සඳහා ඩිජිටල්කරණය
- ජාතික ඩිජිටල් උපාය මාර්ගයක් සකස්කර ක්‍රියාත්මක කිරීම.
- රට පුරා ඩිජිටල් යටිතල පහසුකම් සහ සම්බන්ධතාවය වැඩිදියුණු කිරීම.
- ඩිජිටල් සාක්ෂරතාව සහ කුසලතා සංවර්ධන වැඩසටහන් ප්‍රවර්ධනය කිරීම.
- රජයේ සේවා සහ පුරවැසි සහභාගීත්වය වැඩිදියුණු කිරීම සඳහා තාක්ෂණය යොදා ගැනීම.
10. පාරිසරික තිරසාරභාවය සහ සෞඛ්‍ය සම්පන්න පරිසරයකට ඇති අයිතිය
- පිරිසිදු සහ සෞඛ්‍ය සම්පන්න පරිසරයකට ඇති අයිතිය මූලික අයිතිවාසිකමක් ලෙස පිළිගැනීම.
- සංවර්ධන ව්‍යාපෘතිවලින් සිදුවන පාරිසරික පිරිවැය එකී ව්‍යාපෘතියන්ට ඇතුලත් කිරීම.
- දේශගුණික විපර්යාස ආමන්ත්‍රණය කිරීම සහ ජෛව විවිධත්වය ආරක්ෂා කිරීම සඳහා ප්‍රතිපත්ති සකස් කර ක්‍රියාත්මක කිරීම.
11. සමාජ ආරක්ෂණ දැල ශක්තිමත් කිරීම
- සමාජයේ පීඩාවට පත්ව ඇති ජනගහනය ආරක්ෂා කරන විස්තීර්ණ සමාජ ආරක්ෂණ පද්ධතියක් සංවර්ධනය කිරීම.
- වැඩබිම සහ ජීවිත සමතුලිතතාවයට සහාය වන ප්‍රතිපත්ති ප්‍රවර්ධනය කිරීම.
- දරිද්‍රතාවය සහ ආර්ථික අසමානතාවය අවම කිරීමට ඉලක්කගත වැඩසටහන් ක්‍රියාත්මක කිරීම.
12. අදහස් ප්‍රකාශ කිරීමේ නිදහස සහ මාධ්‍ය සාක්ෂරතාවය
- භාෂණයේ නිදහස සහ මාධ්‍ය නිදහස ආරක්ෂා කිරීම.
- මාධ්‍ය ස්වාධීනත්වය සහ විවිධත්වය සහතික කිරීම.
- නිදහස් ප්‍රකාශනයට ගරු කරමින් වැරදි තොරතුරු පැතිරීම වැළැක්වීම.
- වගකිවයුතු මාධ්‍යකරණය සහ මාධ්‍ය සාක්ෂරතාව ප්‍රවර්ධනය